Корхонамиз томонидан 2020 йилда ишлаб чиқилган «YURIDA» ҳуқуқий-ахборот тизими компьютер дастурининг бевосита интернет тармоғига уланган ҳолда ишлайдиган YURIDA-ONLINE дастуримиз ўзининг базасига YURIDA ҲАТ компьютер дастурининг базасида мавжуд бўлган барча ҳужжат ва ахборот кўринишидаги маълумотларни жамлаган.
2021 йилнинг апрель ойига қадар Offline базадаги ҳужжатларни Online сервер базасига ўтказиш жараёни амалга оширилди, шу муносабат билан жорий йилдан бошлаб YURIDA-ONLINE компьютер дастури ишга туширилмоқда.
YURIDA-ONLINE дастурида ҳам худди YURIDA ҲАТ компьютер дастурининг Махсус базалари каби YURIDA-ONLINE дастурининг Махсус базалари мавжуд. Ҳар бир тизим – ҳуқуқни муҳофаза қилувчи идоралар ёки ҳокимият тизими учун Махсус базада мавжуд бўлган хизмат ҳужжатларидан фойдаланиш имкони берилади.
Дастурни ўрнатиш ва рўйхатдан ўтказиш: мутахассис орқали ёки ҳар бир фойдаланувчининг ўзи телеграмм каналда (https://t.me/yuridaonline) жойлаштирилган дастур файлини компьютерига кўчириб олиб ўрнатиши мумкин. Дастурни ўрнатгач Авторизация ойнаси очилади:
Ушбу ойна орқали рўйхатдан ўтказиш ойнасига ўтилади.
Рўйхатдан ўтиш ойнасида фойдаланувчи ўзи учун мақбул бўлган Логин, Паролни ва бошқа тўлдириш мажбурий бўлган катакларни тўлдириб, рўйхатдан ўтказади ва сақлайди.
Келгуси сафар дастурни очишда авторизацияни қайта сўрамаслиги учун Логин, Паролни қайта ёзиб «Ёдда сақлаш» тугмасини белгилаб қўяди.
Дастур ишлаши: дастур Online тарзда ишлайди, унинг ишлаши учун компьютер интернет тармоғига уланган бўлиши шарт.
Дастур базасини янгилаш: дастур базаси сайтимиз (www.yurida.uz)даги серверга автоматик равишда боғланган ҳолда кунлик янгиланиб боради.
Дастурдан фойдаланиш: YURIDA-ONLINE дастуридан фойдаланиш худди Offline «YURIDA» ҳуқуқий-ахборот тизими компьютер дастури кабидир. YURIDA-ONLINE дастурида Offline «YURIDA» ҳуқуқий-ахборот тизими компьютер дастуридаги барча имконият, қулайликлар сақлаб қолинган.
Оператив қидирув ойначалари орқали бирор бир ҳужжатлар йиғмажилдидаги керакли бўлган ҳужжат, рисола номини ёзиб Топиш тугмасини ёки Энтер тугмасини боссак, қидираётган сўз бўйича барча мавжуд топилганларни рўйхатини кўрсатади.
Керакли бўлган ҳужжат, рисолани очиб, матн билан боғлиқ амалиётни бажаришимиз: чоп этиш, бутун матнни ёки бир қисмини кўчириб олиш мумкин.
Дастурни сотиб олиш: тузилган шартномага кўра дастурдан фойдаланиш ҳуқуқи шартномада кўрсатилган муддатга берилади. Ҳар бир фойдаланувчи учун битта Логин ва Пароль қўлланилади ҳамда фойдаланувчи кўрсатган компьютерига ўша компьютер орқали дастурдан фойдаланиш ҳуқуқи берилади.
Фойдаланувчининг компьютер бузилиши, винчестер алмаштирилиши ёки бошқа компьютерга дастурни ўтказиб бериш ҳақида мурожаатига кўра дастурдан бошқа компьютер орқали фойдаланиш ҳуқуқи бепул ўтказиб берилади.
Харажатлар
YURIDA-ONLINE компьютер дастурини ўрнатиш ва 1 йил давомида фойдаланиш ҳуқуқи берилиши
480.000 сўм
YURIDA-ONLINE компьютер дастурини ўрнатиш файли
YuridaOnline 1.2.0.4.exe
Папкада жойлаштирилган YuridaOnline1.2.0.4 дастури (админ бор компьютерлар учун: тайёр, ўрнатилган ҳолатда, админ рухсатисиз ҳам ишлаш имконини беради)
SetupYuridaOnline 1.2.0.4.rar
YURIDA-ONLINE дастури мазкур версияси Windows 10 операцион тизимда муаммосиз ўрнатилади (айрим Windows 7, 8, 8.1, 10 операцион тизимларда Net Framework 4.6.2 компоненти ўрнатилмаган бўлса, дастур ўрнатиш жараёнида Net Framework 4.6.2 компонентни ўрнатишни сўраши мумкин)
Net Framework 4.6.2
Д И Қ Қ А Т Я Н Г И Л И К !
1.YURIDA-ONLINE ахборот қидирув тизимида янги йўналиш – Ўзбекистон Мусулмонлари идораси билан Ҳамкорлик тўғрисидаги келишувга мувофиқ ишлаб чиқилган Қуръони Карим, Ҳадиси Шариф, Унитилаётган суннатлар, Саҳобалар ва тобиинлар ҳаёти, Ибратли ҳикоялар, Ибодатлар, Буюк алломалар, жума маърузалари, фатволар, одоблар, дуолар ва бошқа 45.000 дан ортиқ диний рисола, мақолаларни ўз ичига жамлаган YURIDA-ISLOM диний базаси 2022 йилнинг 1 апрелидан бошлаб расман ишга туширилмоқда.
Мазкур YURIDA-ISLOM қидирув тизими орқали Сиз ўзингиз учун керак бўлган ёки муаммоли савол бўлган бирор бир мавзуга оид маълумот ёки мақолаларни тез қидириб топишингиз, танишиб чиқишингиз, шунингдек ундан нусха олиб фойдаланишингиз мумкин.
YURIDA-ISLOM – туркий тилли давлатлар орасида Ислом динига оид ўзбек тилидаги рисола, мақола, маълумотларни ўз ичига жамлаган биринчи компьютер дастури, қидирув тизими иншааллоҳ.
YURIDA-ONLINE ахборот қидирув тизимининг ушбу YURIDA-ISLOM махсус базаси – йўналиши Ўзбекистон Мусулмонлари идораси билан 2020 йил 21 декабрдаги Ҳамкорлик тўғрисидаги келишувга мувофиқ ишлаб чиқилган.
Ушбу махсус базага барча ҳужжат, рисола, дунёвий мазмундаги мақолалар ва маълумотлар матнлари Ўзбекистон Мусулмонлар идораси матбуот нашрларидан, расмий сайтидан, ҳудудий вакилликлар расмий сайтларидан, шунингдек Дин ишлари бўйича қўмита томонидан берилган хулосаларга мувофиқ чоп этилган китоблардан олинган.
2.YURIDA-ONLINE ахборот қидирув тизимида яна бир янги йўналиш – YURIDA-MATBUOT (2012-2013 йиллардаги «Ўзбек матбуотининг Олтин диски» лойиҳамизнинг Online талқини) Республикамиз босма ОАВларида, яъни газета ва журналларда чоп этилаётган мақолаларнинг электрон матнларидан ташкил топган махсус база.
Дунёнинг ҳар қандай бирон бир ҳудудидаги фойдаланувчи ушбу YURIDA-MATBUOT қидирув тизимидан фойдаланиш орқали республикамизнинг вилоят, туман (шаҳар)ларидаги газета, журналларда чоп этилаётган ҳар хил мавзудаги ахборот, маълумот, асар, мақолалар ҳақида тезкор хабар топиш имконига эга бўлади. Ва бунинг акси – республикамиз туман (шаҳар)ларида чоп этилаётган нашрлар шу туманда туғилган, яшаган, ишлаган ва ҳозирда бошқа туман (шаҳар)ларда, шунингдек чет давлатларда хизмат юзасидан ишлаётган, яшаётган тумандош – YURIDA-MATBUOT қидирув тизимидан фойдаланаётган фойдаланувчига шу ҳудудда бўлаётган воқеа, ҳодиса, ҳолатларни профессионал журналист қалами билан ёритилган, батафсил ахборот кўринишида ёзилган мақолалар орқали бир зумда етказиш имкониятига эга бўлади.
YURIDA-MATBUOT қидирув тизими ҳар бир фойдаланувчиси ўзи учун керак бўлган бирор бир мавзуга оид маълумот, ахборот ёки мақолаларни калит сўзлар орқали тез қидириб топиши, танишиб чиқиши, шунингдек ундан нусха олиб фойдаланиши мумкин, шу билан бирга бирон бир газета, журналнинг бир ёки бир неча ойлик нашрига электрон обуна бўлиши шу даврга қадар бўлган бир неча юз, мингдан иборат бўлган олдинги ой, йиллардаги мақолаларидан иборат бўлган архивидан фойдаланиш ҳуқуқига ҳам эга бўлади.
YURIDA-MATBUOT – Мустақил Давлатлар Ҳамдўстлиги давлатлари орасида босма ОАВ, яъни газета ва журналларнинг электрон обунаси ташкил этилган ўзбек тилидаги биринчи ҳамда ҳозирда ягона электрон платформа бўлган ахборот қидирув тизими.
YURIDA-ONLINE ахборот қидирув тизимининг ушбу YURIDA-MATBUOT махсус базаси – йўналиши Ўзбекистон Журналистлар ижодий Уюшмаси билан 2022 йил 16 февралдаги Ўзаро ҳамкорлик қилиш тўғрисидаги келишувга мувофиқ ишлаб чиқилган.
YURIDA-MATBUOT электрон платформа талаба, бўлғуси журналист учун устоз, профессионал журналистларнинг ижодини, ёзиш усулини, ёзган мақоласида мақола мазмунини ёритишга қандай ёндошганлигини ўрганиш учун тайёр дастуруламалдир.
Ҳозирги кунда газета, журналлар билан тузилаётган шартномаларга кўра YURIDA-MATBUOT базаси газета, журналлар мақолалари билан тўлдириб борилмоқда, шакллантирилмоқда.
3.YURIDA-ONLINE ахборот қидирув тизимидаги навбатдаги янги йўналиш – YURIDA-ADABIYOT мамлакатимиз ёзувчи, шоир, олимлари асар, китобларининг электрон матнларидан ташкил топган махсус база, электрон китоб савдо платформаси.
Фойдаланувчи учун YURIDA-ADABIYOT қидирув тизими ҳар хил соҳа бўйича юртимизнинг ҳар хил нашриётларида ҳар хил соҳалар бўйича китоб кўринишида ҳақиқатда чоп этилган, диний мазмундаги асарларни эса тегишли тартибда ваколатли орган томонидан чоп этишга рухсат берилган асарларнинг электрон матнларини ўзининг базасига киритишни бошлади.
YURIDA-ADABIYOT қидирув тизими – электрон китоб савдо платформаси ҳам бутун дунёга тарқаб кетган ватандош, юртдошларимизга, шунингдек ўзбек тилида мутолаа қилиш имкони бўлган ҳар қандай ўзга миллат вакилига ўзбек асарларидан баҳраманд бўлиш имконини яратади.
Ҳар қайси йўналишлардагидек, бу YURIDA-ADABIYOT йўналишида ҳам китобларнинг матнлари электрон расм (PDF, JPEG, TIF, DJVU) кўринишидек эмас, балки (Windows Word таҳрирлаш дастуридаги) матн кўринишида жойлаштирилган. Бу қулайлик, биринчидан, қидирув тизимининг қидирув функцияси орқали ҳар қандай калит сўз билан қайси китобда қидирилаётган матн ёзилганлигини тезкорлик билан топиш имконини беради, иккинчидан, у матннинг қисмидан нусха кўчириб олиб фойдаланиш, учинчидан, ўзаро ўхшаш асарларни таҳлил қилиш имконини беради.
YURIDA-ONLINE ахборот қидирув тизимининг ушбу YURIDA-ADABIYOT махсус базаси – йўналиши Ўзбекистон Ёзувчилар уюшмаси билан 2022 йил 25 мартдаги Ўзаро ҳамкорлик тўғрисидаги келишувга мувофиқ ишлаб чиқилган.
YURIDA-ADABIYOT электрон платформасининг асосий вазифаси китобхон учун зарур бўлган муқаддам кам тиражда чиқарилган ёки анча вақт олдин чиқарилган, ҳозирда топишни имкони бўлмаган асарларни базасига жойлаштириш орқали шу асарларга бўлган эҳтиёжларни қондиришдан иборат.
Шу мақсадда, муҳтарам юрдошларимизга ўзларида бўлган ноёб асарларни, ўзининг, қариндошлари, таниш-билиш, ўртоқлари, шунингдек марҳум яқинларининг китобларини ўқувчи, китобхонлар фойдаланиши, муаллифнинг шу мазмундаги китоби борлиги тўғрисида хабардор бўлиши ҳамда келажак авлодга ҳам етказиш учун бизга мурожаат қилишларини илтимос қиламиз.
YURIDA-ADABIYOT базасига ўзаро манфаатли асосларга кўра тузилган шартномалар бўйича ҳозирги кунда муаллифларнинг асарлари киритиш бошланди, база шакллантирилмоқда.
Маълумот учун:
1. YURIDA ҳуқуқий ахборот тизими компьютерга ўрнатиладиган оффлайн дастур, интернетсиз ишлайди, базаси фойдаланувчи компьютерида туради, база ҳар 10 кунда онлайн олинган янгиланиш файли орқали янгиланади.
2. YURIDA-ONLINE ахборот қидирув тизими компьютерга ўрнатиладиган онлайн дастур, рўйхатдан ўтиб, логин, пароль орқали фақат ишлайди, дастур базаси серверда туради, база автоматик янгиланади, айнан шу дастур YURIDA-ORFO компьютер дастури билан ҳамкорликда ишлай олади.
3. online.yurida.uz ахборот қидирув тизимли сайт – компьютер, планшет, уяли телефон браузерида ишлайди, YURIDA-ONLINE ахборот қидирув тизимида рўйхатдан ўтилган логин ва пароль билан кириш мумкин, дастур базаси серверда туради, база автоматик янгиланади.
online.yurida.uz сайтимиздаги қидирув тизими тест ҳолатда ишламоқда, айрим нуқсонлар бўлиши мумкин, бунинг учун узр сўраймиз, нуқсонлар бартараф этилиб, дастур шакллантириб борилмоқда.